პირველკურსელთა საყურადღებოდ!
გილოცავთ სტუდენტობას და გისურვებთ წარმატებებს!
ერთიანი ეროვნული გამოცდების შედეგად საქართველოს შოთა რუსთაველის თეატრისა და კინოს სახელმწიფო უნივერსიტეტში ჩარიცხულ სტუდენტთა რეგისტრაცია ჩატარდება ორ ეტაპად:
- ონლაინ რეგისტრაცია
- დოკუმენტების ადგილზე წარმოდგენა და ხელშეკრულების გაფორმება
I ეტაპი
ონლაინ რეგისტრაცია შესაძლებელია ჩვენს ვებ-გვერდზე tafu.edu.ge
2025 წლის 2 სექტემბრის 12:00 საათიდან 8 სექტემბრის 18:00 საათამდე.
ონლაინ რეგისტრაციის დროს ასატვირთი საბუთების ჩამონათვალი:
- პირადობის დამადასტურებელი დოკუმენტი;
- ატესტატი/სრული ზოგადი განათლების დამადასტურებელი დოკუმენტი;
- ფოტოსურათი ზომით 3×4;
- ვაჟებისთვის: სამხედრო აღრიცხვაზე ყოფნის დამადასტურებელი დოკუმენტი;
- სწავლის ღირებულების გადახდის დამადასტურებელი ქვითარი.
უნივერსიტეტში სწავლის წლიური საფასური შეადგენს 2250 ლარს
– რეგისტრაციისათვის მინიმალური გადასახადი – 1125 ლარი.
– 100%-იანი სახელმწიფო სასწავლო გრანტის მფლობელი – 0 ლარი
– 70%-იანი სახელმწიფო სასწავლო გრანტის მფლობელი – მინიმალური 337,5 ლარი
– 50%-იანი სახელმწიფო სასწავლო გრანტის მფლობელი – მინიმალური 562,5 ლარი
– სწავლის საფასურის გადახდის წესი
- სწავლის საფასურის გადახდა ხდება შემდეგ ანგარიშზე:
სახელმწიფო ხაზინა, სახაზინო კოდი TRESGE22, ანგარიშის ნომერი: 708887289
* შენიშვნა: ინტერნეტ და მობილბანკით გადახდის შემთხვევაში აირჩიეთ ბიუჯეტში გადარიცხვა და სახაზინო კოდის გრაფაში ჩაწერეთ ანგარიშის ნომერი: 708887289 (სხვა არაკლასიფიცირებული შემოსავლები)
- ონლაინ რეგისტრაციის დროს აუცილებელია სარეგისტრაციო პორტალზე განთავსებული ინგლისური ენის ცოდნის დონის განსაზღვრელი ტესტის შევსება!
II ეტაპი
დოკუმენტების ადგილზე წარმოდგენა და ხელშეკრულების გაფორმება შესაძლებელი იქნება 2025 წლის 9-11 სექტემბერს, 11:00 საათიდან 17:00 საათამდე, მისამართზე:
ქ. თბილისი, შოთა რუსთაველის გამზირი №19, III სართული.
წარმოსადგენი დოკუმენტების ჩამონათვალი:
- პირადობის დამადასტურებელი დოკუმენტი და მისი ასლი (1 ეგზემპლარი);
- სრული ზოგადი განათლების დამადასტურებელი დოკუმენტის/ატესტატის სანოტარო წესით დამოწმებული ასლი;
- 4 ფოტოსურათი ზომით 3×4, ასევე CD-ზე ჩაწერილი;
- ვაჟებისთვის: სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო ბილეთი ან/და მიწერის მოწმობა);
- სწავლის ღირებულების გადახდის დამადასტურებელი ქვითარი.
სასწავლო პროცესი დაიწყება 2025 წლის 15 სექტემბერს.