პირველკურსელთა საყურადღებოდ!

პირველკურსელთა საყურადღებოდ!

გილოცავთ სტუდენტობას და გისურვებთ წარმატებებს!

ერთიანი ეროვნული გამოცდების შედეგად საქართველოს შოთა რუსთაველის თეატრისა და კინოს სახელმწიფო უნივერსიტეტში ჩარიცხულ სტუდენტთა რეგისტრაცია ჩატარდება ორ ეტაპად:

1. ონლაინ რეგისტრაცია
2. დოკუმენტების ადგილზე წარმოდგენა და ხელშეკრულების გაფორმება

I ეტაპი – ონლაინ რეგისტრაცია შესაძლებელია ჩვენს ვებ-გვერდზე tafu.edu.ge

2023 წლის 6 სექტემბრის 12:00 საათიდან 12 სექტემბრის 18:00 საათამდე.

ონლაინ რეგისტრაციის დროს ასატვირთი საბუთების ჩამონათვალი:  

1. პირადობის დამადასტურებელი დოკუმენტი;
2. სრული ზოგადი განათლების დამადასტურებელი დოკუმენტი/ატესტატი;
3. ფოტოსურათი ზომით 3×4;
4. ვაჟებისთვის: სამხედრო აღრიცხვაზე ყოფნის დამადასტურებელი დოკუმენტი;
5. სწავლის ღირებულების გადახდის დამადასტურებელი ქვითარი.

– უნივერსიტეტში სწავლის წლიური საფასური შეადგენს 2250 ლარს

– რეგისტრაციისათვის მინიმალური გადასახადი – 1125 ლარი.

– 100%-იანი სახელმწიფო სასწავლო გრანტის მფლობელი – 0 ლარი

– 70%-იანი სახელმწიფო სასწავლო გრანტის მფლობელი – მინიმალური 337,5 ლარი

– 50%-იანი სახელმწიფო სასწავლო გრანტის მფლობელი – მინიმალური 562,5 ლარი

– სწავლის საფასურის გადახდის წესი

• სწავლის საფასურის გადახდა ხდება შემდეგ ანგარიშზე:

სსიპ საქართველოს შოთა რუსთაველის თეატრისა და კინოს სახელმწიფო უნივერსიტეტი

საიდენტიფიკაციო კოდი: 203851028

ბანკი : სახელმწიფო ხაზინა

ბანკის კოდი: TRESGE22

სწავლის საფასურის ანგარიში: 708887289

• ონლაინ რეგისტრაციის დროს აუცილებელია სარეგისტრაციო პორტალზე განთავსებული ინგლისური ენის ცოდნის დონის განსაზღვრელი ტესტის შევსება!

II ეტაპი – დოკუმენტების ადგილზე წარმოდგენა და ხელშეკრულების გაფორმება შესაძლებელი იქნება 2023 წლის 13-14 სექტემბერს, 11:00 საათიდან 16:00 საათამდე, მისამართზე:

ქ. თბილისი, შოთა რუსთაველის გამზირი №19, III სართული, აუდიტორია №4.

 წარმოსადგენი დოკუმენტების ჩამონათვალი:

1. პირადობის დამადასტურებელი დოკუმენტი და მისი ასლი (1 ეგზემპლარი);
2. სრული ზოგადი განათლების დამადასტურებელი დოკუმენტის/ატესტატის ორიგინალი ან სანოტარო წესით დამოწმებული ასლი;
3. 4 ფოტოსურათი ზომით 3×4,  ასევე CD-ზე ჩაწერილი;
4. ვაჟებისთვის: სამხედრო აღრიცხვაზე ყოფნის დამადასტურებელი დოკუმენტის ასლი (სამხედრო ბილეთი ან/და მიწერის მოწმობა);
5. სწავლის ღირებულების გადახდის დამადასტურებელი ქვითარი.

სასწავლო პროცესი დაიწყება 2023 წლის 18 სექტემბერს.