საქართველოს შოთა რუსთაველის თეატრისა და კინოს სახელმწიფო უნივერსიტეტი ერთ-ერთი უძველესი უმაღლესი სათეატრო სასწავლებელია მსოფლიოში, რომელსაც 2023 წელს 100 წელი შეუსრულდა.
დიმიტრი ჯანელიძის სახელობის სამეცნიერო-კვლევითმა ინსტიტუტმა 2023 წლის 8 დეკემბერს გამართა უნივერსიტეტის 100 წლისადმი მიძღვნილი საიუბილეო სამეცნიერო სესია – „ისტორიის კვალდაკვალ – სათეატრო ინსტიტუტიდან თეატრისა და კინოს უნივერსიტეტამდე“ და მოამზადა ამავე სახელწოდების საიუბილეო კრებული, რომელიც 2024 წელს გამოიცა.
კრებულში წამოდგენილია ინსტიტუტის მკვლევართა სტატიები საქართველოში ერთ-ერთი უძველესი სახელოვნებო უმაღლესი სასწავლებლის – სასცენო ხელოვნების ინსტიტუტის, შემდგომში – თეატრალური ინსტიტუტის, დღეს – თეატრისა და კინოს უნივერსიტეტის ისტორიასა და დღევანდელობაზე. კერძოდ.
- „ყველაფერი ასე დაიწყო… (თეატრალური სწავლა-განათლების ისტორია საქართველოში)“ – გიორგი ცქიტიშვილი;
- „საუკუნოვანი უნივერსიტეტის არქიტექტურული მემკვიდრეობა“ – ირმა დოლიძე;
- „დრამის რეჟისორები თეატრისა და კინოს უნივერსიტეტში“ – თამარ ქუთათელაძე;
- „ქორეოგრაფია – ქორეოლოგია – ისტორიის კვალდაკვალ“ – ხათუნა დამჩიძე;
- „სახვითი ხელოვნების სწავლების შესახებ – „პორტრეტები“ – ეკატერინე თაბუკაშვილი;
- „კინოფაკულტეტის სათავეებთან “ – ლია კალანდარიშვილი;
- „კინომცოდნეობის დისციპლინის შესახებ“ – გიორგი რაზმაძე;
- „ხელოვნებათმცოდნეობა – დარგისა და სპეციალობის 30 წელი თეატრისა და კინოს უნი ვერსიტეტში (1993-2023)“ – ნატო გენგიური.
კრებული გამოიცა საქართველოს შოთა რუსთაველის თეატრისა და კინოს სახელმწიფო უნივერსიტეტის გამომცემლობაში „კენტავრი“.