სტუდენტური კინოფესტივალი „ამირანი 2026“
ფესტივალს ორგანიზებას უწევს და მასპინძლობს საქართველოს შოთა რუსთაველის თეატრისა და კინოს სახელმწიფო უნივერსიტეტი პარტნიორ ორგანიზაციებთან ერთად, მათ შორის: საქართველოს ეროვნული კინოცენტრი, თბილისის მერია, საქართველოს საზოგადოებრივი მაუწყებელი და სხვა ადგილობრივი და საერთაშორისო ორგანიზაციები.
ფესტივალის პროგრამა მოიცავს როგორც საგანმანათლებლო პლატფორმას – პანელურ დისკუსიებსა და მასტერკლასებს -, ისე საერთაშორისო საკონკურსო პროგრამას.
გამარჯვებულები გამოვლინდებიან ფესტივალის დასასრულს შემდეგ ნომინაციებში: ფესტივალის გრან-პრი, საუკეთესო მხატვრული, დოკუმენტური და ანიმაციური ფილმი, ასევე ჟიურის სპეციალური პრიზი.
ფესტივალის ფარგლებში გაიმართება ფიჩინგ-ფორუმი, რომელშიც მონაწილეობა შეუძლიათ ქართველ სტუდენტებს.
ფესტივალში მონაწილეობის მოთხოვნები:
ა) თითოეული ფილმის მაქსიმალური ხანგრძლივობა – 30 წთ;
ბ) ფილმები უნდა იყოს დასრულებული 2025 ან 2026 წელს;
გ) ფილმები უნდა იყოს ინგლისური სუბტიტრებით.
გთხოვთ ფილმები გამოაგზავნოთ mp4 ფორმატში 2026 წლის 30 მაისამდე შემდეგ ელექტრონულ მისამართზე: khutsishvili@tafu.edu.ge
გ ი ს უ რ ვ ე ბ თ წ ა რ მ ა ტ ე ბ ე ბ ს!