შიდა მობილობა 2026 ბაკალავრებისთვის

საქართველოს შოთა რუსთაველის თეატრისა და კინოს სახელმწიფო უნივერსიტეტის დრამის ფაკულტეტი აცხადებს სტუდენტთა 2026-2027 სასწავლო წლის შემოდგომის სემესტრის შიდა მობილობას შემდეგ  საბაკალავრო პროგრამებზე:

1. მსახიობი (დრამისა და კინოს მსახიობი) – 183 კრედიტი

მისანიჭებელი კვალიფიკაცია – სამსახიობო ხელოვნების ბაკალავრი 

• მსახიობი (პანტომიმის თეატრის მსახიობი) – 183 კრედიტი

მისანიჭებელი კვალიფიკაცია – სამსახიობო ხელოვნების ბაკალავრი

• თეატრის რეჟისურა – 180 კრედიტი

მისანიჭებელი კვალიფიკაცია – თეატრის რეჟისურის ბაკალავრი

• ქართული ხალხური და საეკლესიო გუნდის დირიჟორი (ლოტბარი/რეგენტი) – 240 კრედიტი

მისანიჭებელი კვალიფიკაცია – სამუსიკო ხელოვნების ბაკალავრი ქართული ხალხური და საეკლესიო გუნდის დირიჟორობაში 

• ქართული ცეკვის დამდგმელი ქორეოგრაფი – 180 კრედიტი

მისანიჭებელი კვალიფიკაცია – ქორეოგრაფიის ბაკალავრი

დრამის ფაკულტეტზე მობილობით გადმოსვლის მსურველმა სტუდენტმა უნდა გაიაროს შემოქმედებითი კონკურსი (შემოქმედებითი ტური). 

შემოქმედებით კონკურსში მონაწილეობის მისაღებად სტუდენტმა რეგისტრაცია უნდა გაიაროს საქართველოს შოთა რუსთაველის თეატრისა და კინოს სახელმწიფო უნივერსიტეტის ვებგვერდზე www.tafu.edu.ge განთავსებულ  ბმულზე 

მობილობის მსურველ სტუდენტთა შემოქმედებით კონკურსზე რეგისტრაციის პორტალი 

პორტალზე რეგისტრაცია დაიწყება 10 აგვისტოს 12:00 საათზე და დასრულდება 25 აგვისტოს 12:00 საათზე!

• მობილობის მსურველ სტუდენტთა შემოქმედებით კონკურსზე რეგისტრაციის პორტალზე დასარეგისტრირებლად სტუდენტმა უნდა გადაიხადოს შემოქმედებით ტურში მონაწილეობის საფასური 60 ლარი ერთი კონკრეტული სპეციალობისთვის, ხოლო ერთზე მეტი სპეციალობის არჩევის შემთხვევაში, თითოეულზე დამატებით იხდის 10 ლარს.
• თანხის შეტანა ხდება უნივერსიტეტის საბანკო ანგარიშზე:

საიდენტიფიკაციო კოდი: 203851028

ბანკი: სახელმწიფო ხაზინა

ბანკის კოდი: TRESGE22

სხვა არაკლასიფიცირებული შემოსავლები (რეგისტრაცია): 708887519

გადახდის დანიშნულებაში უნდა ჩაიწეროს სტუდენტის გვარი, სახელი, 11 ნიშნა პირადი ნომერი (უცხო ქვეყნის მოქალაქეებმა პირადი ნომრის არარსებობის შემთხვევაში უნდა მიუთითონ პასპორტის ნომერი).

• თანხის გადაუხდელობის შემთხვევაში რეგისტრაცია არ განხორციელდება.

შემოქმედებითი კონკურსის ჩატარების განრიგი:

1. დრამისა და კინოს მსახიობი –  I ტური – 27-28  აგვისტო, 10:00 საათიდან

გამოცდა –   1-2  სექტემბერი, 10:00 საათიდან

• პანტომიმის თეატრის მსახიობი  – 2  სექტემბერი, 10:00 საათიდან
• თეატრის რეჟისურა  – 31 აგვისტო, 10:00 საათიდან
• ქართული ცეკვის დამდგმელი ქორეოგრაფი – 31   აგვისტო, 10:00 საათიდან
• ქართული ხალხური და საეკლესიო გუნდის დირიჟორი (ლოტბარი/რეგენტი)  –  26  აგვისტო,  12:00 სთ

Address: ქ. თბილისი, დავით აღამაშენებლის  გამზირი #40 (II კორპუსი)

სტუდენტი, რომელიც წარმატებით გაივლის შემოქმედებით კონკურსს, 2026 წლის 7-9  სექტემბერს  უნდა გამოცხადდეს საქართველოს შოთა რუსთაველის თეატრისა და კინოს სახელმწიფო უნივერსიტეტში აღიარებული კრედიტების რაოდენობის წერილობით დასადასტურებლად  (თანხმობა/უარი).

მობილობის შემოქმედებითი კონკურსის/ტურების მოთხოვნები

1. მობილობის შემოქმედებითი კონკურსი

მსახიობის (დრამისა და კინოს მსახიობის) სპეციალობაზე

მსახიობის (დრამისა და კინოს მსახიობის) სპეციალობაზე მობილობით გადმომსვლელ სტუდენტთა შემოქმედებითი კონკურსი (შემოქმედებითი ტური) ტარდება ორ ეტაპად:

I ტური and the გამოცდა.

I ტური – პირველ შესარჩევ ტურზე მოწმდება მობილობის მსურველი სტუდენტის ის ფიზიკური კონდიციები, რომლებიც აუცილებელია სასწავლო პროცესის ასათვისებლად:  მეტყველება, მუსიკალური სმენა, რიტმის შეგრძნება, პლასტიკა.

შესარჩევი ტურისათვის მობილობის მსურველმა სტუდენტმა უნდა მოამზადოს სიმღერა და საცეკვაო ნომერი; რაც შეეხება ვერბალურ ნაწილს, მან უნდა მოამზადოს იგავ-არაკი; ასევე,  ტურის მიმდინარეობის დროს,  მობილობის მსურველ სტუდენტს მიეცემა  დავალება – ეს შეიძლება იყოს მისი  ბიოგრაფია, მონათხრობი, ნაწყვეტი უცნობი ტექსტიდან, ენის გასატეხი.

გამოცდა – მობილობის მსურველმა სტუდენტმა  უნდა შეასრულოს:

• სიმღერა;
• საცეკვაო ნომერი.

(მას აქვს უფლება გაიმეოროს, ნაწილობრივ ან მთლიანად შეცვალოს I ტურზე წარმოდგენილი პროგრამა). 

უნდა წაიკითხოს:

1. პროზაული ნაწარმოები ან ნაწყვეტი ბილეთში მითითებულ ავტორთა პროზაული ნაწარმოებებიდან;
2. ლექსი ან ნაწყვეტი ბილეთში მითითებულ ავტორთა პოეტური ნაწარმოებებიდან

საგამოცდო ბილეთის ნიმუშის გამოქვეყნების თარიღი: 10 აგვისტო

იხილეთ აქ 

                       პროზაული ნაწარმოების ან ნაწყვეტის ხანგრძლივობა უნდა იყოს          დაახლოებით 5-7 წუთი, პოეტური ნაწარმოები ან ნაწყვეტი ნაწარმოებიდან – მინიმუმ 48 სიტყვა.

• საგამოცდო ტექსტი:

საგამოცდო ტექსტის ნიმუშის გამოქვეყნების თარიღი: 10 აგვისტო

იხილეთ აქ 

• იგივე მასალა მან უნდა შეასრულოს საგამოცდო კომისიის მიერ მიცემული სხვადასხვა ამოცანით.
• სტუდენტს შესასრულებლად ეძლევა რამდენიმე ეტიუდი სხვადასხვა თემაზე, რომლითაც შემოწმდება მისი შემოქმედებითი წარმოსახვისა და ფანტაზიის უნარი, ემოციურობა და სამსახიობო მონაცემები.
• გასაუბრების სახით შემოწმდება სტუდენტის ზოგადი ცოდნა ქართული და მსოფლიო თეატრის ისტორიაში, ლიტერატურასა და ხელოვნებაში.

გასაუბრება თეორიულ ნაწილში მოხდება სასკოლო პროგრამაში არსებულ მასალაზე დაყრდნობით.

მობილობით გადმომსვლელ სტუდენტთა სასურველი ასაკია: გოგონები 23 წლამდე, ვაჟები 25 წლამდე.

შემოქმედებითი კონკურსი ტარდება მობილობის მსურველ სხვა სტუდენტთა თანდასწრებით.

• მობილობის შემოქმედებითი კონკურსი

მსახიობის (პანტომიმის თეატრის  მსახიობის) სპეციალობაზე

პანტომიმის თეატრის მსახიობის სპეციალობაზე შესარჩევი კონკურსი (შემოქმედებითი ტური) ტარდება ერთ ეტაპად:

მოწმდება მობილობის მსურველი სტუდენტის სასწავლო პროგრამის ასათვისებლად აუცილებელი ის ფიზიკური კონდიციები, რომლებიც აუცილებელია სასწავლო პროცესის ასათვისებლად:  მუსიკალური სმენა, რიტმის შეგრძნება, პლასტიკა;  

მობილობის მსურველმა სტუდენტმა უნდა წარმოადგინოს მის მიერ მომზადებული  პლასტიკური ეტიუდი მუსიკალური ფონოგრამით. 

ასევე, უნდა შეასრულოს რამდენიმე სხვადასხვა ხასიათის ეტიუდი საგამოცდო კომისიის მიერ განსაზღვრულ თემებზე, რითაც მოწმდება  მისი ემოციურობა, შემოქმედებითი წარმოსახვის უნარი.

შემოქმედებითი ტური ტარდება მობილობის მსურველ სხვა სტუდენტთა  თანდასწრებით.

• მობილობის  შემოქმედებითი კონკურსი

თეატრის რეჟისურის  სპეციალობაზე

თეატრის რეჟისურის  სპეციალობაზე მობილობით გადმომსვლელ სტუდენტთა შემოქმედებითი კონკურსი (შემოქმედებითი ტური) ტარდება ორ ეტაპად, ერთ დღეს:

I ეტაპი – წერითი გამოცდა და II ეტაპი – გასაუბრება.

არსებობის შემთხვევაში, სასურველია მობილობის მსურველმა სტუდენტმა წარმოადგინოს  საკუთარი ნამუშევარი (სცენარი, მოთხრობა, ჩანახატი, ფოტოები, ნარკვევი, მხატვრული კოლაჟი და სხვა), რომელიც წარმოაჩენს მისი მხატვრული აზროვნების უნარს. 

I ეტაპი – სტუდენტმა გამოცდისათვის გამოყოფილ 4 საათში უნდა შეძლოს პიესის ანალიზის დაწერა (კომისიის მიერ შემოთავაზებული პიესებიდან სტუდენტის მიერ არჩეული პიესის ანალიზი).

სტუდენტს უნდა გააჩნდეს დამოუკიდებელი, შემოქმედებითი აზროვნების, ანალიზის და შეთხზვის უნარი; მას უნდა შეეძლოს მოვლენის გაანალიზება, ლოგიკური აზროვნება და არგუმენტირებული მსჯელობა.

II ეტაპი – გასაუბრება ქართული და მსოფლიო ლიტერატურის, მუსიკის, სახვითი ხელოვნებისა და თეატრის ისტორიის საკითხებზე. განსაკუთრებული ყურადღება მიექცევა კლასიკურ და თანამედროვე დრამატურგიას. გასაუბრება თეორიულ ნაწილში მოხდება სასკოლო პროგრამაში არსებულ მასალაზე დაყრდნობით.

სარეკომენდაციო პიესები:

• გიორგი ერისთავი – „გაყრა“
• დავით კლდიაშვილი – ,,ირინეს ბედნიერება“, ,,დარისპანის გასაჭირი“
• შალვა დადიანი – ,,გუშინდელნი“
• პოლიკარპე კაკაბაძე – ,,ყვარყვარე თუთაბერი“
• სოფოკლე – ,,ოიდიპოს მეფე“
• ევრიპიდე – ,,მედეა“
• უილიამ შექსპირი – ,,ჰამლეტი“,  ,,რომეო და ჯულიეტა“, ,ჭირვეულის მორჯულება“
• მოლიერი – ,,ტარტიუფი“, ,,დონ ჟუანი“
• კარლო გოლდონი – ,,სასტუმროს დიასახლისი“
• ფრიდრიხ შილერი – ,,ყაჩაღები“
• ჰენრიკ იბსენი – ,,ნორა, ანუ თოჯინების სახლი“
• ანტონ ჩეხოვი – ,,სამი და“, ,,ალუბლის ბაღი“
• ფედერიკო გარსია ლორკა – ,,სისხლიანი ქორწილი“
• ბერტოლდ ბრეხტი – ,,სამგროშიანი ოპერა“
• ჟან ანუი – ,,ანტიგონე“
• ეჟენ იონესკო – ,,მარტორქა“

შემოქმედებითი კონკურსი ტარდება მობილობის მსურველ სხვა სტუდენტთა თანდასწრებით.

• მობილობის შემოქმედებითი ტური  

ქართული ცეკვის დამდგმელი ქორეოგრაფის

სპეციალობაზე

ქართული ცეკვის დამდგმელი ქორეოგრაფის სპეციალობაზე მობილობით გადმომსვლელ სტუდენტთა შემოქმედებითი  კონკურსი  (შემოქმედებითი ტური) ტარდება ერთ ეტაპად. 

• მოწმდება  ის ფიზიკური კონდიციები, რომლებიც აუცილებელია სასწავლო პროცესის ასათვისებლად:  მუსიკალური სმენა, რიტმის შეგრძნება, პლასტიკა.
• ქართული ცეკვის ინდივიდუალური შესრულება (უნდა შესრულდეს ქართული ცეკვის (სხვადასხვა კუთხის) წინასწარ მომზადებული რამდენიმე ფრაგმენტი).
• ქორეოგრაფიული ეტიუდი (იმპროვიზაცია) – კომისიის მიერ შემოთავაზებულ მუსიკალურ ნაწარმოებზე, კონკურსანტმა უნდა შეასრულოს იმპროვიზაცია, სადაც შემოწმდება სადადგმო უნარები: მუსიკალური და ქორეოგრაფიული მასალის (დრამატურგიის) თანხვედრა. 
• ქორეოგრფიული ნაწარმოების კომპოზიცია – ქორეოგრაფიული კონცეფციის წერილობით წარდგენა და ანალიზი. (წერილობითი და ზეპირი ფორმით).

• ნებისმიერ თავისუფალ თემაზე ან შემოთავაზებულ ავტორთა სარეკომენდაციო ჩამონათვალიდან (სურვილის მიხედვით) კონკურსანტი წარმოადგენს ქორეოგრაფიული ნაწარმოების პროგრამასა და ლიბრეტოს, წარმოაჩენს ნაწარმოების მოკლე შინაარსს და მაყურებლისთვის საჭირო, აუცილებელ მასალას (მაქსიმუმ ნაბეჭდი 2 გვერდი). მან უნდა შეძლოს ნაწარმოებში არსებული მოვლენის გაანალიზება და ქორეოგრაფიული გადაწყვეტის მისეული ხედვის წარმოჩენა. უნდა უპასუხოს წარმოდგენილი ნაშრომის ირგვლივ კომისიის წევრების მიერ დასმულ შეკითხვებს.
• გასაუბრება ლიტერატურისა და ხელოვნების საკითხებზე (ზეპირი ფორმით) მოხდება სასკოლო პროგრამაში არსებულ მასალაზე დაყრდნობით. შემოწმდება კონკურსანტის ზოგადი ცოდნა ქართული და მსოფლიო ქორეოგრაფიის, ლიტერატურისა და  ხელოვნების სხვა დარგების მიმართულებით. 

კონკურსანტის მიერ ასარჩევი ლიტერატურული ნაწარმოების ქართველ ავტორთა სარეკომენდაციო ჩამონათვალი:

• სულხან-საბა ორბელიანი;
• გალაკტიონ ტაბიძე;
• ნიკოლოზ ბარათაშვილი;
• გრიგოლ ორბელიანი;
• ილია ჭავჭავაძე;
• ვაჟა-ფშაველა;
• ალექსანდრე ყაზბეგი;
• აკაკი წერეთელი;
• გიორგი ლეონიძე;
• გურამ რჩეულიშვილი;
• გურამ დოჩანაშვილი.

შემოქმედებითი ტური ტარდება მობილობის მსურველ სხვა სტუდენტთა  თანდასწრებით.

• მობილობის შემოქმედებითი ტური

ქართული ხალხური და  საეკლესიო გუნდის დირიჟორის (ლოტბარი/რეგენტი)

სპეციალობაზე

ქართული ხალხური და საეკლესიო გუნდის დირიჟორის (ლოტბარი/რეგენტი) სპეციალობაზე მობილობით გადმომსვლელ სტუდენტთა შემოქმედებითი კონკურსი (შემოქმედებითი ტური) ტარდება ერთ ეტაპად.

მოწმდება სტუდენტის მუსიკალური მონაცემები: სმენა, ხმა, ინტონირება; აქვს თუ არა გამართული სასიმღერო აპარატი. სტუდენტმა  უნდა შეძლოს გაიმეოროს შეთავაზებული მელოდია. გამოიცნოს ინტერვალები, გამოამჟღავნოს მუსიკის ელემენტარული თეორიის ცოდნა. მას უნდა ჰქონდეს ლოტბარ-რეგენტის პროფესიის დასაუფლებლად აუცილებელი უნარები.  

შემოწმდება სტუდენტის ზოგადი ცოდნა და ინტერესები, როგორც ხალხური სიმღერის, ასევე საეკლესიო გალობის რაობის შესახებ; სასურველია სტუდენტი ფლობდეს რომელიმე ინსტრუმენტს (ფორტეპიანო, ქართული ხალხური საკრავები).

სტუდენტმა უნდა შეასრულოს ჩამონათვალში მითითებული, კომისიის მიერ შერჩეული სიმღერა და საგალობელი ხმათა მონაცვლეობით:

• ქრისტე აღდგა (სვანური) 
• ასე ჩონგური (მეგრული) 
• გოგოვ შავთვალა  (ქართლური) 
• ვარდსა ჰკითხეს (გურული) 
• ლაჟღვაში (სვანური) 
• ბაღია ჩვენი ქვეყანა (გურული) 
• მოვედით თაყუანის-ვსცეთ (გელათის სკოლა) 
• მეგრული ალილო 
• კახური ნანა
• ოკრიბული/იმერული მგზავრული

 შემოქმედებითი კონკურსი ტარდება მობილობის მსურველ სხვა სტუდენტთა თანდასწრებით.

გისურვებთ წარმატებას!