ბრძანება N 66/2
2025 წლის 01 მაისი ქ. თბილისი
კინო – ტელე ფაკულტეტის ხარისხის უზრუნველყოფის სამსახურის ხელმძღვანელის თანამდებობის დასაკავებლად კონკურსის გამოცხადების შესახებ
,,უმაღლესი განათლების შესახებ’’ საქართველოს კანონის 22-ე მუხლის პირველი პუნქტის „მ“ ქვეპუნქტის და 25-ე მუხლის მე-5 პუნქტის და საქართველოს კულტურისა და ძეგლთა დაცვის მინისტრის 2014 წლის 7 ივლისის № 05/91 ბრძანებით დამტკიცებული საჯარო სამართლის იურიდიული პირის – საქართველოს შოთა რუსთაველის თეატრისა და კინოს სახელმწიფო უნივერსიტეტის წესდების მე-11 მუხლის მე-3 პუნქტის, მე-13 მუხლის პირველი პუნქტის „ტ“ ქვეპუნქტის და 43-ე მუხლის მე-3 პუქნტის საფუძველზე
ვ ბ რ ძ ა ნ ე ბ :
1. 2025 წლის 5 მაისიდან გამოცხადდეს სსიპ – საქართველოს შოთა რუსთაველის თეატრისა და კინოს სახელმწიფო უნივერსიტეტის კინო-ტელე ფაკულტეტის ხარისხის უზრუნველყოფის სამსახურის ხელმძღვანელის არჩევნები.
2. კინო-ტელე ფაკულტეტის ხარისხის უზრუნველყოფის სამსახურის ხელმძღვანელის თანამდებობის დასაკავებლად კანდიდატთა რეგისტრაცია დაიწყოს 2025 წლის 20 მაისს და დასრულდეს 2025 წლის 30 მაისს.
3. კანდიდატთა რეგისტრაცია მოხდეს კინო-ტელე ფაკულტეტზე.
4. ფაკულტეტის ხარისხის უზრუნველყოფის სამსახურის ხელმძღვანელის თანამდებობის მსურველი კანდიდატი უნდა აკმაყოფილებდეს შემდეგ მოთხოვებს:
ა. ფლობდეს დოქტორის აკადემიურ ხარისხს, ეკავოს პროფესორის ან ასოცირებული პროფესორის აკადემიური თანამდებობა;
ბ. უმაღლეს საგანმანათლებლო დაწესებულებაში ჰქონდეს არანაკლებ 6 წლის მუშაობის გამოცდილება;
გ. გააჩნდეს თანამედროვე საგანმანათლებლო კანონმდებლობის, აკრედიტაციისა და ავტორიზაციის სტანდარტების, შესაბამისი ნორმატიული დოკუმენტების, ხარისხის უზრუნველყოფის მექანიზმების ცოდნა, ერკვეოდეს ეროვნული საკვალიფიკაციო ჩარჩოს სტრუქტურაში და მოთხოვნებში;
დ. გააჩნდეს სამეცნიერო-პედაგოგიური მუშაობის, საგანმანათლებლო პროგრამების შემუშავებაში მონაწილეობის გამოცდილება;
5. კანდიდატმა აუცილებელია წარმოადგინოს:
ა. მოკლე ბიოგრაფიული ინფორმაცია;
ბ. დოქტორის სამეცნიერო ხარისხის დამადასტურებელი დოკუმენტის ასლი;
გ. უნივერსიტეტის ხარისხის უზრუნველყოფის სამსახურის წარდგინება;
დ. საგანმანათლებლო დაწესებულებებში სამეცნიერო–პედაგოგიური დამადასტურებელი დოკუმენტის ასლი;
ე. ხარისხის უზრუნველყოფის საკითხებთან დაკავშირებული სხვა სახის საქმიანობის დამადასტურებელი დოკუმენტაცია (არსებობის შემთხვევაში);
6. დადგენილების შესრულება დაევალოს კინო-ტელე ფაკულტეტის საბჭოს.
7. ბრძანება ძალაშია ხელმოწერისთანავე
ბრძანება შეიძლება გასაჩივრდეს თბილისის საქალაქო სასამართლოში მისი გაცნობიდან 1 თვის ვადაში, შემდეგ მისამართზე: თბილისი, დავით აღმაშენებლის ხეივანი № 64.
საფუძველი: 29.04.2025 წლის აკადემიური საბჭოს სხდომის
№ 5 დადგენილება
გიორგი შალუტაშვილი
რ ე ქ ტ ო რ ი