თბილისის საერთაშორისო სტუდენტური კინოფესტივალი აცხადებს
პირველი მოკლემეტრაჟიანი მხატვრული, დოკუმენტური და ანიმაციური ფილმის პროექტის განვითარების კონკურსს!
თბილისის საერთაშორისო სტუდენტური კინოფესტივალი, რომელიც გაიმართება 2024 წლის 2-7 ივლისს აცხადებს პირველი მოკლემეტრაჟიანი მხატვრული, დოკუმენტური და ანიმაციური ფილმის პროექტის განვითარების კონკურსს!
ფორუმში მონაწილეობის მიღება შეუძლიათ როგორც კურსდამთავრებულებს, ასევე დიპლომანტებს.
განმცხადებელი უნდა იყოს საქართველოს მოქალაქე.
ფორუმის სამუშაო ენა – ქართული.
განცხადების მიღების ბოლო თარიღია 15 მაისი, 2024 წელი.
კონკურსში გასული პროექტების სია გამოქვეყნდება 15 ივნისს.
მოთხოვნილი საკონკურსო მასალა:
- პროექტის სათაური
- სცენარის ავტორი
- რეჟისორი
- პროდიუსერი / კონტაქტი
- პროექტის სტატუსი
- მომავალი ფილმის ხანგრძლივობა
- ლოგლაინი (მაქს. 350 სიმბოლო)
- სინოფსისი (1000 სიმბოლო)
- რეჟისორის ხედვა და მოტივაცია
- პროექტის აღწერა (რაც მოიცავს ამბის სტრუქტურას, პერსონაჟების აღწერას, სარეჟისორო ხედვას (მაქს.1500 სიტყვა)
- რა ეტაპზეა პროექტი და თაიმლაინი
- ვიზუალური მასალა
- ვიზუალური პრეზენტაცია – მუდბორდი, სთილები (არსებობის შემთხვევაში)
- რეჟისორის წინა ნამუშევარი (ვიმეოს ან იუთუბის ბმული / პაროლი)
- განმცხადებლის რეზიუმე
საკონკურსო მასალა უნდა გამოიგზავნოს ელექტრონული ფოსტის მისამართზე: tisff.pitchingforum@tafu.edu.ge
ფორუმის ჟიური გამოავლენს 3 გამარჯვებულს, რომლებიც დაჯილდოვდებიან ფულადი პრიზებით.
საპრიზო ფონდი:
I ადგილი – 5000 ლარი
II ადგილი – 3000 ლარი
III ადგილი – 2000 ლარი
ფულადი ჯილდოს გარდა, უნივერსიტეტი გამარჯვებულ პროექტებს ნაწილობრივ უზრუნველყოფს გადაღებებისთვის აუცილებელი ტექნიკური ბაზით.
ხელშეკრულებით გათვალისწინებული პირობების თანახმად, გამარჯვებულ პროექტთა ავტორები ვალდებულები იქნებიან მომავალი ფილმის პროექტისთვის, 2024 წლის 1 ნოემბრამდე შექმნან:
- ტრეილერი
- გამართული დოსიე ქართულად და ინგლისურად
- პროექტის განვითარების ბიუჯეტი
- პროექტის განვითარების და დაფინანსების მოპოვების სამოქმედო გეგმა
- ფიჩინგ-ტრეილერი
ფიჩინგისთვის: ტუტორი – ბაქარ ჩერქეზიშვილი პროექტი ხორციელდება საქართველოს შოთა რუსთაველის თეატრისა და კინოს სახელმწიფო უნივერსიტეტის მიერ, საზოგადოებრივი მაუწყებლის, საქართველოს კინემატოგრაფიის ეროვნული ცენტრისა და თბილისის მერიის მხარდაჭერით.